×[ أختي و جدتي بـ هوليود ؟ + صراويل خط البلدة :| ]×

هاي افري بدي ..؟؟ <<~ يعني وشلون أمك!

أكيد يوم شفتوا العنوان قلتوا عني نصابة ..!
لكن لا للمخدرات .. أنا منيب تسذابة ..!
وهوليوود طلبونا عندهم صح ما قالوا نبي ست .. وش يبون فيني؟!
هم بغوا جدتي تسوي لهم دعاية سراويل خط البلدة ..!!
وأنا رايحة معها عشاني بلبل في الأنقلينزي ..

:

ما أطول عليكم هذي القصة ...

:

بينما كنت قاعدتن مع جدتي انتقهوا ونحش في خلق الله ..دق التلفون..
كل وحدة عطت الثانية نظرة تحدي ونطينا مع بعض نبي نلقط السماعة..
أنا أركض وجدتي تركض..
عكرفتلها وطاحت وقعدت أضحك عليها..
بس هزيمتها ميب سهلة أخذت عصاها وتسحب رجلي وأتكرفس..
شفت هزيمتي قاب قوسين أو أدنى قلت مابه ألا هالحل..
آخذ علبة الزعفران وأكبها..
يوم شافته مكبوب طارت عيونها ورجعت تلمه وهي تدعي علي:جعلتس ما تنبتين!!
<<~بعذري ماعاد طلت حتتني بهالدعا!

أخيرا رفعت السماعة ورد علي واحد أمريكي:هاللو؟
قلت ما يبيلها..خلني أصعقه..
رديت عليه:na3m?
الأمريكي:hatha bayt madam meznah?
أنا:eh..wesh tabe?
الأمريكي:ma3k mr.jak moder hooly wood..
e7na karrarna ne9na3 srawel 5at el-baldh oo neby madam meznah tsawy de3ayh..
أنا:5ethny ana azyan menha..
الأمريكي:ma nabek ya el-shefah!!
أنا:afaaaaaaaaa
الأمريكي:bokrah lazem tokonon 3ndna..
أنا:tayeeb..bye

:

ترجمة المحادثة اللي صارت للي ما يعرف انقلينزي مثل حضــرتي ..

الأمريكي:هاللو؟
أنا:ييس؟
الأمريكي:ذس إز مدام مزنه هاوس؟
أنا:ييس..وت يو وونت؟
الأمريكي:مستر جاك توكنق وذ يو..آند آي آم هوليود مانيجر..
وي هاف ديسايدد فاكتوري سراويل خط البلدة ..آند وي وونت مدام مزنه تو ميك دعايه<<~ ما عرفت معناها بالأنقليزي..لا تصيرون دقيقين عاد!<<
أنا:تشينج مي بدال ماي قراند ماذر..
الأمريكي:وي دونت وونت يور آقلي!!
أنا:أفاااااااااااااا
الأمريكي:تومورو يور موست توبي هير..
أنا:أوكي..باي..

-------نعنبوا الأنقلينزي ياشيخ!--------



خلصت المكالمة وعلمت ماي قراند ماذر وش يبون ...
قالت:هيا بنا نزهب عفشنا بسرعه..
ونضف الأخضر واليابس..
مابقينا شي ما أخذنا..قدور..شراشف..مريتو..حتى ضروس جدي أخذتها..
على قولتها يمكن نحتاجها..
جا موعد الرحلة..
أحتجنا 3باصات عشان تودينا<<~أمة محمد جاية تودعنا ..عماني وخوالي وبزارين الحاره وهنود جدي!<<~ يحبوننا..

وصلنا عند التفتيش ودخلنا الشناط في جهاز الكشف..
شوي ويرن جهاز الإنذار ويخترشون العالم وتجي الشرطة يكلبشونا ويجون متخصصين المتفجرات يفتحون الشنطة
فتحوها ويطلع خل يصيح..
أبي أروح معس عمريكا..أبي أشوف أبو الهول..
مير تمسكة جدتي من أذنه وتعصرها:خل جعلك بخفيس..
أنا قلتلك بنجيب لك راس أبو الهول وحنا راجعين ..
يله طس عند أهلك لا أقطع أذانيك وأعلقهن في رقبتك!

:

ركبنا الطيارة والمضيفة تدور على الركاب ..
يوم أقبلت علينا عطتها جدتي ذاك الدعا اللي خلاها تحرول ما عاد عرفت تمشي(عشانها لابسة تنورة قصيرة)

وكل ما فكهم الناس تعود تضغط زر النداء عشان تجي وتحوسها..
(لا تسألون عني..بهالوقت عايشة في أحلام اليقظة ..أبخلي جدتي تسويلي واسطة أمثل مع براد في دور بوكهانتس!!)

:

وقعنا على الأرض وأخذنا تكسي يوصلنا لهوليود..
يوم أقبلنا على المبنى وتطير بوهتي..

الناس يدهرون جوا..والزيون كثار مدري وش أبدي وش أخلي..
أحترت من أخلي البطل اللي بيمثل معي؟!!

المهم أخذونا على مكان التصوير وقعدوني ورا في الأخير<<~ أكيد يبوني أسترخي قبل لا أمثل!!
الكواليس حقت اعلان جدتي عبارة عن خيمة وبعير حاط رجل على رجل..
وووو..أكككشن..بدا التصوير..

جدتي تقعد في الخيمة تكحل عيونها ويمر من عندها واحد متلطم..
تغمز له ولا يعبرها..ثم تمد رجلها ويبين السروال..
يلتفت عليها الفارس ويفك اللطمة وهو منبهر<<~ ياقلبي قلباااااه
يقبل عليها ويقول:هل تقبلين بي زوجا؟ يقربون الكاميرا على وجه جدتي وتقول:سراويل خط البلدة ولا بلاش..

أنتهى التصوير ..برااافوووووووووووو..تصفيق حار..
كل هذا عشان جدتي قالت كلمتين..أجل أنا لي مثلت وش بيسوون؟!
نطيت عل المخرج أقوله وين اللي بيمثل معي قال لي:شت أب<<~ يقصد كتشب..
بس ماعندي كتشب..وأروح لجديدة تتوسطلي عنده..
ما قدر يرفض طلبها..دبرلي إعلان مبيد حشرات..وجاب لي واحد شايب يدق له الما!!
مسوينه كنه حشرة وأنا ببيدة بالمبيد<<~ ما يبيله مبيد فصخت الزنوبة وبظربة وحدة قضيت عليه..



ركبنا الطيارة وجتنا نفس المضيفة اللي بالرحلة الأولى بس هالمرة لبست سروال خط البلدة تحت التنورة!!<<~ الدعاية قوية ولها أصداء!!
عدنا إلى ديارنا وأنا مطنطأة الرأس<<~ ماخلوني أمثل مع ريكي مارتن!!

هههههههههههههههههه نعم للسرويل خط البلدة

هههههههههههههههههه رايقه يلعن ام التحشيش اللي بك ههههههههههههههه

ههه هلابكم شرفتووني